SÓLIR – Kvennakór Vocalist (Vorönn, jan-maí)

Kvennakór Vocalist hóf starfsemi sína haustið 2015 og hefur fjöldi kvenna verið á milli 15-30. Þetta er hress og skemmtilegur kór þar sem áherslan er lögð á létta tónlist svo sem dægurlög, popp, jazz og söngleikjatónlist.

Æfingarnar eru mjög skemmtilegar, gerðar eru skemmtilegar upphitunaræfingar fyrir líkama og rödd og síðan þjálfum við samhljóminn í hópnum og lærum raddirnar okkar. Kórstjórinn spilar inn raddirnar og deilir með kórkonum sem geta svo æft sig heima. Á vorönninni er vaninn að fara í æfingarbúðir úti á landi eina helgi og síðan eru haldnir tónleikar í apríl/maí.

Í kórastarfi eflist þú meðal annars í að:

• Syngja í hóp og finna samhljóm
• Auka hamingjuhormónin og minnkar streytuhormónin
• Heilbrigða raddbeitingu
• Þjálfa tóneyrað
• Þjálfa minnið og læra texta
• Koma fram á viðburðum og tónleikum
• Frábæran félagsskap og vináttu

Praktískar upplýsingar:

• Hvenær: Æfingar eru á þriðjudögum kl. 18:45-20:45
• Hvar: Í Víkurhvarfi 1
• Aldurstakmark: 30-65 ára
• Kórstjóri: Sólveig Unnur Ragnarsdóttir
• Raddprufa: Hafið samband á vocalist@vocalist.is til að skrá ykkur í raddprufu
• Prufuæfing: Nýir meðlimir eru velkomnir á eina prufuæfingu án endurgjalds. (eftir að hafa staðist raddprufu)
• Styrkur: Athugaðu hjá þínu stéttarfélagi hvort þú eigir rétt á styrk.

Raddprufur fara fram þriðjudaginn 5. september eftir kl. 18:00